Albana Osmani është një prej te ftuarave të amfAR Gala mbrëmjen e sotme në Kanë.
E veshur me një fustan ngjyrë floriri, ajo u shfaq në tapetin e kuq për t’u bërë shpejt njësh me gjithë personazhet e famshëm që janë mbledhur në eventin e mbledhjes së fondeve për kërkime kundër AIDS.
Pak më parë, moderatorja e njohur postoi një foto me modelen Adriana Lima, duke e quajtur ironikisht shoqen e saj.
Por, tashmë Albana ka mundur të afrohet edhe me Kris Jenner, mamanë-menaxhere të motrave Kardashian- Jenner duke shkrepur edhe një pozë me të.
“Me mamin seksi Kris Jenner”, shkruan Albana, “Po po, po e shijoj galanë amfAR. Me njerëz të bukur dhe të mrekullueshëm.”
Albana u ftua në eventin e bamirësisë nga modeli shqiptar Ronald Lekaj.
