Dy persona mbetën të vdekur dhe tre të tjerë u plagosën pas një aksidenti në Rrugën e Kombit.
Sipas raportimeve mësohet se, ngjarja tragjike ndodhi pas përplasjes së dy automjeteve mesditën e sotme në afërsi të Rubikut, në fshatin Fan.
Në aksident është përfshirë një makinë “Ford” dhe një “Benz”, ndërsa ende nuk ka detaje në lidhje me identitetin e viktimave apo të plagosurve.
Ndërsa ende nuk dihen rrethanat e përplasjes, sipas “BalkanWeb” dy nga 3 të plagosurit po transportohen për në Spitalin e Traumës në Tiranë.
Policia ndodhet në vendngjarje për zbardhjen e ngjarjes.
Burimi: BalkanWeb
