Një aksident fatal ka ndodhur mbrëmjen e kaluar në Kavajë ku për pasojë kanë ndërruar jetë 3 persona.
Një nënë e cila po ecte së bashku me dy vajzat në trotuar është përplasur nga një automjet tip “Benz” me targa AA615VO i cili po ecte tej normave të lejuara dhe ka humbur kontrollin në vijim.
Në automjetin në fjalë gjendeshin 3 të rinj, ndërkohë raportohet se ka humbur jetën Lumturie Demrozi 46 vjeç, nëna e dy vajzave, Gentjan Belba 23 vjeç dhe ditën e sotme edhe i riu 23 vjeçar Vilson Cara.
Ky i fundit sot do festonte ditëlindjen e tij, por fatkeqësisht tashmë kjo gjë nuk është e mundur.
Një nga vajzat e viktimës Xh.D. 21 vjeç, aktualisht ndodhet në spital dhe po mbahet nën mbikëqyrjen e mjekëve. /balkanweb.com
