Një debat tepër i ashpër ka ndodhur mbrëmjen e sotme në ambientet e shtëpisë së “BBV3”. Bëhet fjalë për Eglën dhe Julin të cilët janë përplasur me njëri-tjetrin dhe përgjatë ditëve të mëparshme ku po ashtu dhe në “Prime-n” e djeshëm janë përballur me njëri-tjetrin.
Teksa kanë qenë në ambientet e jashtme të shtëpisë, gjatë një diskutimi me Julin, Egla i ka përmendur vajzën dhe kaq ka mjaftuar që Juli të shpërthejë ndaj banores.
Ndonëse shpesh herë i kemi parë të kenë keqkuptime mes njëri-tjetrit, siç duket kjo e sotmja do të mbahet mend gjatë.
Teksa Juli e ka përndjekur rreth pishinës Eglën dhe i ka kërkuar kësaj të fundit të kërkojë falje për përmendjen e të bijës së tij, në mesin e tyre ka ndërhyrë Romeo i cili nuk e ka lejuar Julin “të prekë” Eglën edhe pse ndoshta ai nuk e ka patur atë qëllim.
Më pas Egla ka shpërthyer në lot, si kurrë më parë.
