Vetflijimi i Alma Arazit së bashku me tre fëmijët e saj është një ndër ngjarjet më të rënda që ka tronditur një Shqipëri të tërë disa ditë më parë.
Për herë të fundit, ata ishin parë pikërisht buzë lumit, derisa humbën çdo kontakt. Data 2 maj ka qenë hera e fundit që ata janë parë apo kanë patur kontakt me familjarët e ndërsa më 5 maj është gjendur trupi i pajetë i vajzës 9-vjeçare, Ergesës në lumin Buna.
Gazetarja Anila Hoxha, ka nxjerrë disa detaje të reja në pah, e cila pas dëshmisë së marrë kryesisht nga punonjësit e shërbimit të lokalit “Panorama” në Shkodër, tregon se ndryshe nga herët e tjera, më 2 maj, Alma dhe kunata e saj kanë mbërritur në lokal veç e veç, ndërsa në dëshminë e dhënë nga kunata ditën e djeshme ajo është shprehur se ato kanë shkuar të dyja në lokal dhe kanë qëndruar për pak orë aty dhe më pas janë ndarë teksa Alma ka treguar se i vëllai do të vinte ta merrte dhe do të shkonin në Durrës duke theksuar se Ergysi ishte në dijeni të kësaj çështjeje.
“E veçanta që kishte parë ditën e fundit ishte se krahasuar me ditët e tjera të dyja gratë shkonin në lokal gjithmonë bashkë dhe në shoqërinë e fëmijëve dhe në datë 2 maj ato kanë shkuar veç. E para ka mbërritur në lokal Alma së bashku me fëmijët dhe më pas ka mbërritur kunata e saj. Nuk ka parë asgjë që mund të ishte ndryshe nga herët e tjera përveç kohës së gjatë që kanë qëndruar në lokal që prisnin fëmijët që po lunain. Kamerieri më tregoi gjithashtu se Alma ishte një grua shumë e dedikuar për fëmijët e cila qëndronte kryesisht në tavolinën më të afërt dhe ngjitur me fëmijët.’-u shpreh Anila Hoxha
