Një nga festat më të rëndësishme të fesë së katolikëve dhe ortodoksëve është ajo e Pashkëve, ku secila nga fetë ka ditën e caktuar. Një muaj pas Pashkëve Katolike, më 1 maj, ortodoksët festojnë Pashkët e tyre. Shumë mund të dinë se në ditën e Pashkëve festohet ringjallja e Jezu Krishtit, por ndoshta jo shumë prej nesh janë të njohur me fakte të tjera interesante rreth Pashkëve.
A e dini pse janë vezët simbol? Po lepuri dhe qengji çfarë lidhje kanë me Pashkët e secilës fe?
1 – Origjina e saktë e emrit “Pashkë” është e panjohur, por sipas disa burimeve fjala rrjedh nga fjala anglo-saksone easter ose Eostre që do thotë pranverë ose agim perëndeshe.
2 – Traditat e vezëve lidhet me rituale të lashta. Vezët janë simbol i jetës, që është e mbyllur dhe e përgjumur brenda lëvozhgës së saj. Ngjyra e kuqe (në Pashkët Ortodokse) paraqet forcën dhe fuqinë e Perëndisë dhe njëkohësisht simbolizon gjakun e Krishtit, i cili u derdh në kryq për shpëtimin e të gjithë njerëzve në botë.
3 – Edhe tradita e lepurit të Pashkëve është një traditë e lashtë. Lepuri ishte i njohur si simbol i pjellorisë dhe simbol tokësor i perëndeshës Eostre.
4 – Padyshim që pjesë e tryezës së festimit të Pashkës Ortodokse është mishi i qengjit, duke simbolizuar Krishtin, i cili si qengj erdhi në thertore, duke u sakrifikuar për mëkatet e njerëzve. Gjithashtu qengji simbolizon pafajësinë dhe durimin, që ju bind për të shpëtuar njerëzimin.
5 – Arti i vezëve të piktura quhet pysanky dhe e ka origjinën nga Ukraina.
6 – Veza më e shtrenjtë e Pashkëve kushton 5 milionë paund dhe ka 1000 diamante në lëvozhgën e saj dhe një glob të vogël ari në brendësi 18 karat.
7 – Veza më e madhe çokollatë e Pashkëve është 10.39 metra e lartë dhe peshon 7200 kilogramë
