iconstyle.al > Stil jetese > Kulture > A duhet të heqim dorë nga stërvitja gjatë Muajit të Ramazanit?

A duhet të heqim dorë nga stërvitja gjatë Muajit të Ramazanit?

Të gjithë myslimanët që agjërojnë, nuk hanë e nuk pinë nga agimi deri në perëndim. Qëllimi i agjërimit është t’iu mësojë njerëzve durimin, disiplinë dhe modestinë.

Por a duhet të heqim dorë nga stërvitja nëse mbajmë Ramazan? Ja disa këshilla për t’i pasur parasysh:

Mos hiqni dorë nga ushtrimet. Nuk humbni shumë muskuj dhe forcë nëse nuk merreni me fitness gjatë Ramazanit. Por, ju keni tendenca t’i përmbaheni më pak dietës, e kjo mund të shkaktojë më shumë humbje të forcës dhe muskujve sesa peshëngritja gjatë Ramazanit.

Ushqimi i shëndetshëm. Shumica e njerëzve shtojnë peshë gjatë Ramazanit. Arsyeja kryesore për këtë është se shumica e ushqimeve të Iftarit përmbajnë sasi të larta të sheqerit dhe yndyrave.

Hani mjaftueshëm. Ushqimi është energji. Nëse nuk hani mjaftueshëm ju nuk do të keni energji për palestër dhe nuk do t’iu rikuperohen muskujt mirë. Ju duhet të siguroheni që gjatë iftarit dhe syfyrit të hani ushqime të shëndetshme dhe të bollshme, transmeton Telegrafi.

Mungesa e gjumit. Netët e shkurtra mund të shkaktojnë probleme të shumta – në fakt, mund të ndiheni edhe më pak të motivuar të shkoni në palestër. Prandaj, mundohuni që gjatë ditës të bëni gjumë mjaftueshëm.

Kur të ushtroni gjatë Ramazanit? Dy orë para se ta prishni agjërimin. Në këtë mënyrë mund të hani disa herë pas stërvitjeve dhe do të rikuperoheni më shpejt.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.