A do të kthehen në trend flokët e Rihanna-s?!

Ende nuk jemi mësuar ta shohim Rihanna-n me flokët e saj të rinj. Por këngëtarja nga Barbadosi u kujdes që të gjithë të vëzhgonin me vëmendje rastat e saj, teksa u fotografua në Nju-Jork të mërkurën.

Ajo kishte veshur një bluzë të bardhë sportive, me një shpatull jashtë, ku shkruhej “F *** ing awsome” (e hatashme) dhe një palë xhinse të grisura. Këngëtarja e kishte kombinuar veshjen e saj sportive me një palë atlete Fenty x Puma, një orë ari dhe një çantë “Louis Vuitton”.

Ndërsa në mbrëmje Rihanna kishte zgjedhur një fustan të kuq mëndafshi që i shkonte shumë me rastat e saj të gjata. Rihanna i zbuloi të hënën flokët e saj të rinj në faqen në “Instagram”, si një mënyrë për të nderuar kujtimin e legjendarit Bob Marley.

*Shfleto galerinë