Mbrëmjen e kaluar, gjatë një momenti emocional në Prime-in e “Big Brother VIP 5”, mamaja e Selin i bëri një thirrje të drejtpërdrejtë vajzës së saj që të largohej nga shtëpia më e famshme në Shqipëri.
Pavarësisht kësaj kërkese, Selin vendosi të mos tërhiqet nga gara dhe të vazhdojë rrugëtimin e saj, duke zgjedhur të “luftojë” deri në fund për çmimin e madh të këtij edicioni.
Ndërkohë, zhvillime të reja kanë ndodhur ditën e sotme brenda shtëpisë. Banori Miri i ka kërkuar ndjesë Selin dhe nënës së saj për situatën e krijuar. Ai është shprehur se nuk ka pasur qëllim të ofendojë, por duke qenë se fjalët e tij janë interpretuar në atë mënyrë, ka zgjedhur të kërkojë falje.
Pjesë nga biseda:
Miri: Dua të të kërkoj ndjesë për situatën e mbrëmshme, për mamanë që ka ndier ato që ka ndier, për ato gjëra që tha. Jam shumë i sinqertë te kjo pjesë.
Selin: Ndjesën nuk ke pse ia kërkon mamit por mua.
Miri: Të dalim te mami se pastaj do të vij te ti. Se mamaja erdhi dhe tha ato fjalët, dakord. Nuk ka qenë qëllimi që të ndihen keq familjarët apo prindërit tanë, nuk e kam bërë këtë me qëllim të keq, nuk kam ofenduar, po ta them sinqerisht këtë pjesë. Megjithatë nëse është ndier se kam ofenduar, i kërkoj ndjesë asaj dhe të kërkoj ndjesë edhe ty, t’a kërkoj në sy.
Edhe me sinqeritet nuk kam bërë asnjë koment negativ megjithatë është interpretuar ashtu dhe u kërkoj ndjesë të dyjave, ty, mamasë tënde dhe familjes tënde. Unë do mundohem nga sot e tutje, aq sa do kemi mundësi nuk do të kem asnjë koment negativ, asnjë fyerje drejtpërdrejtë dhe këta ta them sinqerisht. Ama këtu jemi në lojë dhe do të flasim për lojën.
Selin: Patjetër.
