Reperja e njohur Tayna ka zbuluar së fundmi se është një ndjekëse e rregullt e spektaklit “Ferma VIP” dhe madje ka edhe një preferencë të qartë brenda tij. Artistja ka shprehur publikisht mbështetjen e saj për një nga personazhet më të komentuar të këtij sezoni, poeten Mimoza Ahmeti.
Përmes një postimi në rrjetet sociale, Tayna ka ndarë me ndjekësit një video të Mimozës, duke e shoqëruar me disa fjalë plot admirim. Ajo ka vlerësuar hapur natyrën e saj të lirë, autentike dhe pa filtra, duke e cilësuar si një figurë frymëzuese.
Në mbishkrimin e videos, reperja është shprehur: “Kjo gru m’u ka bo inspirim. Kur t’rritna, mundsisht du m’u bo si Moza. E du”. Ky reagim ka tërhequr menjëherë vëmendjen e ndjekësve, duke u shpërndarë gjerësisht dhe duke marrë komente të shumta.
Ndërkohë, Mimoza Ahmeti vijon të jetë një nga figurat më të spikatura brenda “Ferma VIP”, falë personalitetit të saj të drejtpërdrejtë dhe mënyrës së veçantë të të shprehurit. Prezenca e saj ka krijuar dinamika të forta dhe shpeshherë ka qenë në qendër të diskutimeve si brenda fermës, ashtu edhe në rrjetet sociale.
Mbështetja nga figura të njohura të skenës muzikore, si Tayna, duket se e forcon edhe më shumë pozicionin e saj si një nga personazhet më të dashur të këtij edicioni. Origjinaliteti dhe autenticiteti i Mimoza Ahmetit vazhdojnë të fitojnë zemrat e publikut, duke e kthyer atë në një nga emrat më të përfolur të momentit.
