Një ngjarje e rëndë ka tronditur Orikumin e Vlorës ditën e djeshme, ku 40-vjeçarja Sose Xhebroj u vra nga bashkëshorti i saj, i cili më pas kreu vetëvrasje. Ngjarja është zbardhur përmes dëshmisë së fëmijëve të çiftit.
Sipas një të afërmi, dy fëmijët, të moshës 16 dhe 19 vjeç, pasi janë përpjekur disa herë të kontaktojnë nënën e tyre ditën e djeshme dhe nuk kanë marrë përgjigje, janë nisur drejt banesës së saj bashkë me dy shokë.
“Fillimisht, djali i madh ka hyrë në banesë dhe në katin e tretë të banesës ka gjetur nënën e tij, 48 vjeçe, pa shenja jete, dhe në qafë kishte një fashetë dhe e gjakosur,” tha i afërmi.
Menjëherë ai ka njoftuar vëllanë tjetër, i cili ndodhej në makinë me dy shokët, dhe së bashku kanë lajmëruar ambulancën e Orikumit. Trupi i pajetë i gruas u transportua drejt Spitalit të Vlorës, ku mjekët konfirmuan vdekjen.Babai i tyre kreu vetëvrasje në garazh me armë zjarri, ndërkohë që fëmijët ndodheshin në banesë. Autoritetet mbërritën në mënyrë të menjëhershme në vendngjarje për të marrë masat e nevojshme. Ndërkohë, hetimet janë duke vazhduar për të sqaruar rrethanat e kësaj tragjedie familjare që tronditi një komunitet të tërë ditën e djeshme.
