E rëndë në Fier: Abuzohet seksualisht një 13-vjeçare, në kërkim një 30-vjeçar dhe procedohen dy të mitur

Një ngjarje e rëndë me përfshirje të të miturve është zbuluar në Fier, ku një vajzë vetëm 13 vjeçe dyshohet se është abuzuar seksualisht nga tre persona.

Policia e Fierit ka bërë të ditur sot se ka shpallur në kërkim një 30-vjeçar dhe ka nisur procedimin penal ndaj dy 15-vjeçarëve. Të tre personat dyshohet se kanë kryer marrëdhënie seksuale me vajzën e mitur.

Lexo edhe :

“Nuk kam bërë marrëveshje për vrasjen e gruas”- Naim Murseli rrëfen në gjyq: Betohem për dy fëmijët e mi se s’kam qenë në makinë

12:26 29/01/26

Pas dhunës barbare, personazhin provokativ Elton Tozaj e kërcënojnë për jetën, i lyejnë shtëpinë me benzinë/ Ku është policia?

12:14 29/01/26

“Specialistët për Hetimin e Krimeve të Komisariatit të Policisë Fier: shpallën në kërkim shtetasin F. S., 30 vjeç, si dhe referuan materialet në Prokurori, ku nisi procedimi penal për dy 15-vjeçarë, pasi dyshohet se kanë kryer marrëdhënie seksuale me një 13-vjeçare. Punohet për kapjen e 30-vjeçarit” thuhet në njoftimin zyrtar të Policisë.

Ndaj të dyshuarve rëndojnë akuzat për marrëdhënie seksuale me të mitur, ndërsa autoritetet kanë nisur hetimet për zbardhjen e plotë të rrethanave të kësaj ngjarjeje./REFORMA