Fituesja e medaljes së artë në Lojërat Olimpike “Paris 2024”, Imane Khelif, po përballet me presionin për të dorëzuar titullin, pas dyshimeve mbi gjininë e saj biologjike. Presidenti i IBA, Umar Kremlev, ka kërkuar zyrtarisht kthimin e medaljes, duke e cilësuar si “padrejtësi ndaj grave të vërteta”.
Khelif, 26 vjeç, ishte përjashtuar nga Kampionati Botëror në 2023 pas një testi kromozomesh, por kjo nuk e ndaloi të garonte në Paris. Ndërkohë, IOC ka nisur rishikimin e rregullave, duke u zotuar për mbrojtjen e kategorisë femërore në sport.
Khelif mohon akuzat dhe ka denoncuar ngacmimin online, duke përfshirë emra të mëdhenj si Elon Musk dhe J.K. Rowling. Fati i medaljes së saj dhe e ardhmja në Lojërat Olimpike Los Anxhelos 2028 mbeten të paqarta.
