Mbrëmjen e sotme, produksioni i “Big Brother VIP” ka dërguar një Zarf të Zi për banorët, duke njoftuar për incidentin e ndodhur me Gjestin. Sipas njoftimit, ai ka shkelur rregullat duke kaluar murin e oborrit dhe është hedhur në rrethimin e dytë brenda perimetrit të shtëpisë, një zonë e monitoruar 24 orë nga kamerat dhe stafi i sigurisë.
Vëllai i Madh ka reaguar menjëherë, duke e rikthyer Gjestin brenda shtëpisë pasi është siguruar që ai gëzon shëndet të plotë. Ndërkohë, banorët dhe publiku do të mësojnë detajet dhe vendimin përfundimtar të produksionit gjatë spektaklit live të së shtunës.
Banorë! Gjesti ka shkelur rregullat duke kaluar murin e oborrit. Ai është hedhur në rrethimin e dytë brenda perimetrit të shtëpisë, që është po ashtu 24 orë nën monitorimin e kamerave dhe stafit të sigurisë. Vëllai i Madh e ka rikthyer Gjestin menjëherë brenda pasi është siguruar që ai gëzon shëndet të plotë! Të shtunën në live do të njoftohet për detajet dhe vendimin e marrë!
Ky incident ka ngjallur reagime të shumta në rrjet, me ndjekësit që presin të shohin nëse Vëllai i Madh do të marrë masa ndëshkuese apo do të japë një paralajmërim për Gjestin.
