Liam Payne kishte plane t’i propozonte partneres Kate Cassidy para vdekjes së tij tragjike në Argjentinë, sipas mikut të tij, Roger Nores.
Këngëtari i One Direction kishte qenë duke pushuar me të dashurën e tij, Kate Cassidy, por ajo u kthye në shtëpi vetëm disa ditë para se ai të gjendej i vdekur pasi ra nga ballkoni i një hoteli në Buenos Aires.
“Ata patën një lamtumirë të lumtur”, thotë Roger për revistën “Rolling Stone”. “Ai donte të martohej me të. Dy ditë para se të vdiste, më pyeti nëse doja të bëhesha dëshmitari i tij”.
Jo shumë kohë pas vdekjes së tij më 16 tetor, Kate ndau një mesazh emocionues duke zbuluar se ajo dhe Liam po planifikonin për një martesë. “Disa javë më parë, ne u ulëm jashtë në një mbrëmje të bukur duke manifestuar jetën tonë së bashku”, ka shkruar ajo. “Unë e mbaj shënimin tënd afër, edhe pse më ke thënë të mos e shikoj. Ai thoshte: “Unë dhe Kate do të martohemi brenda një viti/të fejuar dhe së bashku përgjithmonë 444!”
Në një intervistë të fundit me ‘The Sun’, Kate kujtoi herën e fundit që e pa Liam-in. “Kishim një ditë kaq të mrekullueshme. Ne ishim plot dashuri dhe kurrë nuk do ta prisja që vdekja e tij të ndodhte.”
