Ministria e Arsimit ka publikuar datat e provimeve të Maturës Shtetërore për vitin 2025 për nxënësit që ndjekin arsimin e përgjithshëm dhe atë profesional. Organizatimi dhe zhvillimi i provimeve do të zhvillohen sipas kalendarit të mëposhtëm:
- 3 qershor: Gjuha e Huaj
- 10 qershor: Gjuha Shqipe dhe Letërsia
- 17 qershor: Matematika
- 24 qershor: Provimi me Zgjedhje
Provimi me zgjedhje ofron një gamë të gjerë lëndësh, përfshirë:
- Shkencat e Natyrës: Kimi, Fizikë, Biologji
- Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji
- Ekonomia dhe Artet: Ekonomi, Histori Arti, Histori Muzike, Histori Baleti
Të gjitha provimet do të fillojnë në orën 10:00 dhe do të zgjasin 2 orë e 30 minuta.
Përgatitjet për maturantët janë nisur që më herët me shpërndarjen e testeve model në shkolla, duke i orientuar ata për formatin dhe kërkesat e provimeve. Ky hap ka si qëllim që nxënësit të jenë sa më të përgatitur për provimet e Maturës.
Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), e cila do të sigurojë standardet më të larta të transparencës dhe korrektësisë.
