Në emisionin ‘Kosova Today’, Samed Potera, ish-menaxheri i Gjestit, ka reaguar ndaj akuzave të fundit të Gjestit, i cili gjatë pjesëmarrjes së tij në Big Brother VIP Kosova 3, akuzoi Poterën se i kishte vjedhur 100 mijë euro. Potera ka mohuar këto akuza, duke i cilësuar ato si të pabaza dhe pa asnjë provë. Ai ka theksuar se nëse ka ndodhur ndonjë ngjarje e tillë, Gjesti duhet të drejtohet te organet kompetente.
Për të mbështetur qëndrimin e tij, Potera ka paraqitur disa fakte, duke përfshirë fotografi dhe regjistrime, për të vërtetuar se Gjesti ka shkëputur kontratën me të në maj të vitit 2023. Sipas Potërës, edhe pse kontrata është shkëputur, ai vazhdon të menaxhojë të drejtat e këngëve të Gjestit deri në vitin 2027, duke përfshirë të drejtat e licencave dhe menaxhimit të produkteve të tij muzikore.
“Nuk ka fakte, nuk ekziston ajo akuzë që e ka bërë. E ka bërë një vit e gjysmë pasi është ndarë prej meje. Unë me Gjestin kam përfunduar rrugët në maj të vitit 2023. Afër dy vite po bëhen në maj, ka shtet. Ne ekzistojmë në një shtet demokratik në Kosovë.
Për 100 mijë euro ka mundur të drejtohet në organet e shtetit, t’i publikonte faktet, të gjitha gjërat, nëse unë i kam bërë dëm. Sot nuk lë të askush e lëre më në vlerë 100 mijë euro dhe ishte bërë mediatike para një viti e gjysmë nuk kishte mbetur sot.
Unë i kam të gjitha gjërat me fakte me gjithçka. E kam kontratën, edhe përfundimin e saj. Ai më ka kërkuar falje publikisht. Është referuar kot. Marrëveshja ka qenë pesëvjeçare.
Gjesti ka ardhur te unë në produksion, unë i kam bërë të gjitha investimet. Unë kam investuar rreth 150 mijë euro te Gjesti.
Kam rreth 4-5 mijë mesazhe deri në vdekje. Kur e kam bërë marrëveshjen ka qenë edhe babai i Gjestit.
Nuk kam kërkuar as dëmshpërblim. Kemi rënë dakord që kanali të jetë në pronësi timen, ky e ka prishur kontratën. Padinë e kam bërë sot për akuzën, për shpifje dhe prishje të imazhit. Publikisht i ftoj të gjitha organet të merren me rastin. Këngët e tij kanë fituar 30 milionë klikime që kur ka hyrë në Big Brother”.
