Një situatë e tensionuar shpërtheu mes Xhenetës dhe Gjestit në shtëpi, pasi ajo e pyeti drejtpërdrejt për reagimet e tij ndaj situatave të ndryshme me banorët e tjerë.
“Pse ti po reagon në situatën e Drilonit, e nuk po reagon kur është situata ime me ty? A e ki më të afërt Fitimin e Drilonin, a mua?” – ishte pyetja që Xheneta ia drejtoi, duke shprehur pakënaqësi për mungesën e mbështetjes nga ana e Gjestit në momentet që ajo e konsideron të rëndësishme.
Në përgjigje, Gjesti përpiqej të shpjegonte veprimet e tij, duke theksuar se ndërhyn vetëm kur e kupton se situata është serioze. Ai u shpreh se nuk e kishte ditur që konflikti mes Xhenetës dhe Drilonit ishte i vërtetë, duke kërkuar falje për këtë keqkuptim.
Megjithatë, Xheneta nuk u bind dhe vazhdoi të insistonte se Gjesti duhet të reagonte në çdo situatë, duke theksuar se ajo është e vetmja që e di kur duhet të ndërhyhet. Ky moment tensioni nxori në pah dallimet në perceptimet dhe prioritetet mes tyre.
