Arjeta Dhima, ventrilokistja e vetme në Shqipëri, ka ndarë një histori prekëse në emisionin “Rudina” në Tv Klan, duke treguar për dy objekte të veçanta që ruan me shumë dashuri dhe kujdes. Ajo ka folur për fustanin e gjyshes së saj, që përfaqëson një lidhje të thellë me të kaluarën dhe kujtimet e dashura. Gjyshja e Arjetës vdiq në ditën e parë që ajo doli në skenë, dhe artistja e ruan fustanin si një simbol të premtimit që i bëri vetes atë ditë: “Do të luaj për ty”. Ky fustan, një nga ato që i shkonte më së shumti gjyshes, është një pjesë e rëndësishme e kujtimeve të saj dhe ka një rëndësi të veçantë, pasi ajo e mbajti për të përshëndetur publikun në premierën e parë pas diplomimit. Ky objekt ruan jo vetëm një pjesë të së kaluarës, por edhe një premtim të dashur që Arjeta e ka mbajtur gjatë gjithë karrierës së saj.
Në fakt janë dy objekte të së shkuarës dhe asaj që do të vijojë më pas. Historia nis me të vjetrin është fustani i gjyshes sime. Gjyshja ime ka ndërruar jetë, ditën e parë që unë kam dalë në skenën e Akademisë së Arteve dhe kur erdha nga funerali i saj m’u desh që të ngjitesha në skenë me një premtim që ‘pavarësisht se nuk më pe unë do të luaj edhe për ty’. Nëna Naumka ka qenë shoqja ime e adoleshencës, unë nuk kisha fare frikë t’i thoja çdo sekret timin që nuk mund t’ia thoja dot as shoqeve dhe as prindërve, ajo ishte gati që të më dëgjonte dhe të më këshillonte. Kështu që hallat dhe mamaja ime pasi ajo ndërroi jetë vendosën që këtë të ma linin kujtim mua, sepse ishte një nga fustanet që i shkonte më shumë asaj. Pasi jam diplomuar në premierën e parë kam përshëndetur me këtë fustan. Edhe këtë e ruaj me shumë fanatizëm.
