U paralajmërua dhe më herët dhe fjala nga qytetarët është mbajtur. Pak momente më herët ka nisur protesta për vrasjen e 14-vjeçarit, Martin Cani.
Marshimi ka nisur nga shkolla “Fan Noli” drejt Ministrisë së Arsimit.
Qytetarët i bëjnë thirrje kalimtarëve që të bashkohen në protestë. “Bashkohuni! Mos heshtni. Heshtja vret!”, janë këto disa nga thirrjet e protestuesve.
“Jemi të shqetësuar, kërkojmë siguri në shkolla dhe edukim të posaçëm për fëmijët mbi shenjtërinë e jetës. Bullizmi dhe përdorimi i armëve në shkolla duhet të ndalen”- u shpreh një prind.
