14-vjeçari M.P. sapo ka lënë ambjentet e spitalit privat dhe po transferohet në burgun e të miturve në Kavajë.
Mjeku i spitalit privat ka lëshuar epikrizën për autorin e dyshuar të vrasjes së Martin Canit, një 14-vjeçar.
Komisioni, pas shqyrtimit të plagëve, ka kërkuar që ai të transferohet në një institucion të burgut, pasi trajtimi mjekësor për të tilla raste mund të ofrohet edhe në burgje, por mjeku i spitalit privat në fillim ka refuzuar të firmosë fletëdaljen për të miturin M.P.
Në mëngjesin e sotëm, Komisioni i Burgjeve ka njoftuar policinë e Tiranës për mosbindjen e mjekut të spitalit privat, i cili ka zvarritur procesin që nga dje, duke refuzuar të dorëzojë epikrizën.
Grupi i pesë personave, të cilët janë pjesë e komisionit të ngritur me urdhër të drejtorit të përgjithshëm të burgjeve, janë kthyer në spitalin privat për të kërkuar dokumentacionin, por mjeku vazhdon të mos e dorëzojë atë.
Për të miturin është caktuar masa e arrestit me burg, dhe mjeku është i detyruar të dorëzojë epikrizën.
Komisioni kishte për detyrë të vlerësonte gjendjen shëndetësore të të miturit dhe të mundësonte transferimin e tij, ose në një seksion për të miturit në spitalin e burgjeve, ose në Institutin e të Miturve në Kavajë.
Pasi mjeku nuk ka dorëzuar kartelën dhe epikrizën, ky proces nuk ka mundur të realizohet dje, ndaj ata rishkuan për të dytën herë sot./reforma
