Kompania e Drake, Frozen Moments LLC, ka depozituar një peticion në gjykatë kundër Universal Music Group (UMG), duke akuzuar se ky i fundit ka falsifikuar suksesin e këngës diss të Kendrick Lamar, “Not Like Us”.
Në peticionin e 25 nëntorit, avokatët e Drake pretendojnë se UMG përdori “bots” dhe marrëveshje për të manipuluar transmetimet e këngës, duke ndihmuar që ajo të bëhej virale.
Ata akuzojnë gjithashtu se UMG i dha Spotify një zbritje prej 30% në tarifat e licencimit në këmbim të promovimit të këngës. Po ashtu, kompania e Drake përmend praktikat e “payola” në lidhje me pagesën e stacioneve radiofonike për të luajtur këngën pa e zbuluar këtë informacion. Avokatët theksojnë se sjellja e supozuar si “payola” dhe është “e ndaluar nga Ligji i Komunikimit i vitit 1934”.
