Karol G, këngëtarja e njohur, ka reaguar ndaj kritikave të shumta që mori pasi së fundmi publikoi një projekt të ri muzikor. Pas një reagimi të fortë nga fansat dhe media, të cilët e akuzuan për një sjellje të papërshtatshme, ajo pranoi se kishte shumë për të mësuar nga ky moment dhe mori përgjegjësinë për veprimet e saj.
Kënga u komentua tepër shumë për shkak të përmbajtjes së saj, duke përfshirë një varg që përkthehet në “Një mamacita që nga 14 / Kur ajo hyn në klub, mund ta ndjeni energjinë e saj”.
Në një deklaratë të publikuar pas polemikave, Karol G tha se është e gatshme të dëgjojë kritikën dhe të përmirësohet, duke theksuar se çdo situatë është një mundësi për të rritur vetëdijen dhe për të mësuar. Ajo e shpreh gjithashtu keqardhjen për çdo keqkuptim që mund të ketë shkaktuar dhe premtoi të jetë më e kujdesshme në të ardhmen në mënyrën se si komunikon me fansat dhe publikun.
Kjo ngjarje ka nxitur shumë diskutime online, ku disa e mbështetën këngëtaren për reagimin e saj të sinqertë, ndërsa të tjerë theksuan se është e rëndësishme për personazhet publikë të tregojnë kujdes për imazhin e tyre dhe mesazhet që përcjellin.
“Si artistë, ne jemi të ekspozuar ndaj opinionit publik dhe ndaj interpretimeve individuale të njerëzve që na pëlqejnë dhe njerëzve që ndryshojnë me atë që bëjmë. Ndjej shumë zhgënjim për dezinformatat që janë dhënë”.
“Në këtë rast, për fat të keq, teksti i një kënge, me të cilën kërkova të kremtoj bashkimin mes artistëve u nxorën jashtë kontekstit,” vazhdoi ajo. “Asnjë nga gjërat që thuhen në këngë nuk ka drejtimin që i është dhënë, as nuk është thënë nga ai këndvështrim por unë dëgjoj, marr përgjegjësi dhe e kuptoj që kam ende shumë për të mësuar. Ndihem shumë e prekur dhe kërkoj falje nga thellësia e zemrës sime”.
