Në emisionin me “Me zemër të hapur”, ka folur Ajet Isufi, bashkëshorti i të resë që para pak ditësh tentoi të mbytej në lumin Buna së bashku me 4 të miturit e saj.
Gjatë emisionit ai tregoi se bashkëshortja ia kishte falur tradhtinë për hatër të fëmijëve dhe kishin vendosur që të riktheheshin me njëri-tjetrin. Ai madje u shpreh se para se gruaja e tij të ndërmerrte aktin e rëndë, ka pasur përplasje të fuqishme me të ëmën e saj.
Më tej ai theksoi se pasi e shoqja të bëhet mirë do kthehen së bashku dhe se nuk do ta tradhtojë më.
“Është e vërtetë që kam pasur lidhje tjetër dhe ajo e dinte këtë çështje, nuk dua ta zgjas. Po, e di edhe gruaja ime. Kjo ka ndodhur kur jemi ndarë, pa divorc. Edhe tani pa divorc jemi ndarë. Kur kemi qenë ndarë, mendova se nuk kthehet më gruaja. U ndamë 3-4 muaj të ndarë, isha në lidhje tjetër por vendosëm ë bashkoheshim për hatër të fëmijëve. Para 3 muajsh vendosëm të bashkoheshim. Ajo ma ka falur për hatër të fëmijëve. Por kjo punë është kryer, dua vetëm që prindërit e saj të dalin para drejtësisë.
Sapo pashë lajmin kam shkuar në policinë e Shkodrës, pata përplasje i thashë pse s’më keni lajmëruar. Sot shkova sepse policia të hetojë tek familja e gruas, për të parë se çfarë ka ndodhur. Nuk kam pasur kontakt me gruan, as me fëmijët. Më kanë thënë që janë mirë dhe mos u bëj merak. Shpresoj që gruaja të bëhet mirë dhe dua të shkojë në polici e të tregojë të vërtetën. Do të vazhdojmë të jemi bashkë, ajo është gruaja ime dhe do të vazhdojmë të jemi bashkë. Nuk do të ndodhë më tradhtia”, tha Ajet Isufi.
