Skuadra ekuadoriane është në tronditje! Portieri i ri i Barcelonës Guayaquil, Justin Cornejo, ka humbur betejën me jetën në orët e para të ditës së sotme i cili ishte në gjendje kritike.
E gjitha ndodhi në ditëlindjen e tij. Teksa iahte në dush ai kishte rrëshqitur në dush dhe kishte goditur kokën. Pas kësaj ai u shtrua në spital por për fat të keq nuk ka arritur t’ja dalë.
Skuadra ekuadoriane, i ka kërkuar CONMEBOL-it që të shtyjë ndeshjen që duhet të luajë kundër Bragadinos në orët e para të së enjtes (03.30) për Copa Sudamericana, por deri më tani kjo kërkesë nuk është pranuar dhe ndeshja do të luhet normalisht, pavarësisht gjendjes së keqe emocionale të lojtarëve të Barcelonës.
Postimi i ekipit të Ekuadorit për humbjen e lojtarit: “Nuk ka fjalë apo fraza që mund të lehtësojnë dhimbjen që po ndjejmë tani. Kujtimi i tij do të na japë forcën e nevojshme për ta kapërcyer këtë tronditje. Justin do të jesh gjithmonë në zemrat tona. U prefsh ne paqe. Ne Të duam ty”.
