Ylli i Kombëtares, Rey Manaj, është një ndër futbollistët më të pëlqyer në shumë vende si: Turqi, Itali apo Arabinë Saudite.
Bëhet me dije se një klub nga këta të fundit ka dërguar një ofertë zyrtare për Manajn.
Ka qenë arabët ata të cilët i kanë ofruar Sivassporit 6-7 milionë euro për shërbimet e lushnjarit, por sulmuesi ka ndërprerë bisedimet, ku raportohet se Manaj nuk ka mbetur i kënaqur nga oferta ekonomike që i kanë bërë për rrogën nga klubi saudit, ndaj ka mbyllur bisedimet me të.
Kështu, ai pritet në ditët në vijim në stërvitje me Sivaspor, por me “valixhet gati” nëse vjen oferta e duhur.
