Një ngjarje e rëndë është regjistruar ditën e sotme në Dhërmi, ku një 31-vjeçar i identifikuar si Eraldo Nevruzi, dyshohet të jetë marrë peng dhe më pas është vrarë.
Policia ka bërë me dije se i riu punonte si recepsionist në një hotel në Dhërmi dhe dyshohet të jetë vrarë nga një 43-vjeçar, i identifikuar si Gerald Shehu me origjinë nga Tepelena i cili jetonte në Angli.
Sakaq sipas policisë dyshohet se autori është arratisur menjëherë drejt Greqisë.
Ndërkohë nuk dihen ende se ku ndodhet trupi i të riut, ndërsa janë shoqëruar deri në këto momente për t’u pyetur në lidhje me këtë ngjarje, 29 shtetas.
Shërbimet e policisë mbërritën në vendngjarje dhe nga tërësia e veprimeve deri më tani dyshohet se kemi të bëjmë me një ngjarje të rëndë kriminale.
