Një ngjarje e rëndë është regjistruar mbrëmjen e djeshmë në Himarë, ku bëhet e ditur se pronari i një hoteli, i identifikuar si Niko Bollano, 51 vjeç, ka rënë nga ballkoni i hotelit të tij duke marrë dëmtime të rënda.
Dyshimet e para tregojnë se Niko Bollano ka qenë nën efektin e alkolit gjatë kohës që ka rënë aksidentalisht nga kati i dytë i banesës së tij, megjithatë po punohet për zbardhjen e plotë të ngjarjes.
Nga informacionet e deritanishme është mësuar se menjëherë i është dhënë ndihma e parë në spitalin e Himarës dhe më pas është transportuar në Tiranë.
Njoftimi i Policisë
“Më datë 02.06.2024, rreth orës 23:00, në lagjen “Spille”, Himarë, shtetasi N. B., 51 vjeç, dyshohet se në efektin e alkoolit, ka rënë aksidentalisht nga kati i dytë i banesës së tij. 51-vjeçari aktualisht ndodhet në spitalin e Traumës, në kujdesin e mjekëve.
Grupi hetimor vijon punën për zbardhjen e plotë të rrethanave të ngjarjes”
