Një 43-vjeçar është vënë në pranga ditën e sotme me akuzën “Shkaktim i vetëvrasjes” i mbetur në tentativë.
Shtetasi me inicialet S.K, ra në prangat e policisë pasi mendohet se ka ushtruar një dhunë psikologjike të rëndë bashkëshortes së tij teksa kjo e fundit ka konsumuar pesticide. Sakaq bëhet me dije se gruaja ndodhet në kujdesin e mjekëve.
Njoftimi i policisë
Komisariati i Policisë Librazhd arrestoi në flagrancë shtetasin S. K., 43 vjeç, për veprën penale “Shkaktimi i vetëvrasjes”, mbetur në tentativë, pasi dyshohet se për shkak të dhunës psikologjike që ky shtetas ka ushtruar ndaj bashkëshortes së tij, ajo ka konsumuar pesticide. Kjo shtetase është në kujdesin e mjekëve.’, njofton policia.
Numri i personave që vuajnë nga shëndeti mendor po rritet çdo ditë e më shumë. Duke marrë shkas nga ngjarjet e ndodhur së fundmi, përfshirë rastin më të freskët të ndodhur ditën e djeshme, vetëvrasjen e polices 21-vjeçare dhe rastin e sotëm ku gruaja ka tentuar të vrasë vetem për shkak se bashkëshorti ka ushtruar dhunë psikologjike ndaj saj, theksojmë se nevoja për psikologë duhet të jetë domosdoshmëri për të parandaluar këto ngjarje të rënda, që po marrin jetë të shumë individëve…
