Pas publikimit të këngës më të re të Bes Kallakut, “Mosmirënjohja”, të cilën aktori e ka konsideruar tekstin e krijuar nga vetë ai si një “tekst shpirti”, mbrëmjen e sotme, Xhensila ka bërë një postim në profilin e saj të Instagramit, një poezi të Rudyard Kipling, të titulluar ” Në mundesh”.
“Në mundsh ta ruash arsyen, kur bota humbet fillin
e fajin ty ta hedh dhe vetes t’i besosh,
sa herë tek ti dyshojnë e s’të përfillin
por edhe dyshimet drejt t’i gjykosh…
Në mundsh të rrish në pritje, nga pritja pa u lodhur,
e, kur t’urrejnë, urrejtje mos t’ushqesh,
madje, ndaj shpifjeve të rrish pa folur,
me thjeshtësi, me to pa rënë ndesh…”
Kënga e publikuar prej Besit është marrë prej fansave si një dedikim për ish-bashkëshorten e tij Xhensilën për shkak të ndarjes së tyre por a lidhet ky reagim që Xhensila ka bërë mbrëmjen e sotme me këngën e Besit?
