Ka përfunduar mbrëmjen e kësaj të mërkure arratia e autorit të dyshuar të vrasjes së efektivit të forcave “Shqiponja”, 28-vjeçarit Novruz Cenalia.
Burime nga policia bëjnë me dije se ai fshihej në Dërmenas, sakaq mësohet se shkak për dorëzimin e tij janë bërë babai dhe daja të cilët kanë negociuar dhe kanë bindur 23-vjeçarin Agzan Mërnica.
Rikujtojmë që ngjarja e rëndë ndodhi në fshatin Baltëz të Fierit këtë të hënë, ku u ekzekutua me armë një polic.
Novrus Cenalia dyshohet se gjatë një konflikti të çastit, rreth orës 13:15, u vra me armë zjarri. Ai ishte jashtë shërbimi por i veshur me uniformën e Policisë, pasi shkonte për të marrë shërbimin.
Viktima shërbente për policinë e Fierit prej 4 vitesh e ndërsa për forcat Shqiponja 2 vite. Mësohet se viktima Novrus Cenalia ishte me origjinë nga Tropoja.
