Një ngjarje e rëndë ka ndodhur sot në Durrës, ku 40-vjeçari Aleks Marku mbante peng në banesë dy fëmijët e tij të mitur dhe qëllonte me kallashnikov.
Sakaq detaje të reja kanë dalë në pah lidhur me ngjarjen, ku sipas gazetares Vali Qyrfyçi, në gjendje të dehur dhe nën efektin e narkotikëve, Aleks Marku dyshohet se ka parë veten në pasqyrën e dhomës së gjumit dhe është trembur.
Atij i është dukur sikur po e qëllojnë në banesë dhe ka filluar të qëllojë me armë sakaq ka qenë djali i tij 11-vjeçar i cili është munduar ta qetësojë dhe të mbajë larg vëllanë e vogël.
Top Channel ka siguruar videon nga momenti kur djali 11-vjeçar mundohet të qetësojë të atin.
“O babi të lutem, ma jep mua automatikun, më beso, jam unë. Më thuaj po apo jo”, dëgjohet vogëlushi duke biseduar të artin, teksa ndodhej në ballkonin e banesës.
Sakaq pas momentit që Marku nisi të qëllojë paraditen e sotme, kanë mbërritur forcat RENEA që kanë bërë të mundur neutralizimin dhe arrestimin e tij.
