Xhevahir Zeqiraj është 46-vjeçari i cili në moshën 10-vjeçari përjetoi një situatë të frikshme në jetën e tij, që la trauma të thella tek ai.
Që prej asaj kohe ai filloi të kishte probleme me shëndetin mendor, u bë agresiv dhe nuk mund të vazhdonte jetën si më parë dhe që prej 30 vitesh prindërit e tij vendosën ta mbanin të lidhur me zinxhir.
“E lidh me zinxhir për Zotin se nuk mundem të vrapojë pas tij. Humbet edhe ka mbetur 4-5 netë i humbur nëpër pyll. Gjynah po bëjmë që po e lidhim, po për Zotin nuk mundem të vrapojë, shikomë si rri, si më bën pulsi i zemrës”, u shpreh nëna 67-vjeçare, e cila kujdeset e vetme për të birin.
67-vjeçarja, Zyla, rrëfehu se djali i saj është marrë disa herë nga shtëpia për t’u dërguar në psikiatri por askush nuk e ka mbajtur me pretendimin që ai është i dhunshëm.
Më herët nuk është marrë asnjë masë prej insitucioneve lidhur me gjendjen apo kujdesin ndaj 46-vjeçarit edhe pse institucionier ishin në dijeni rreth kësaj ngjarjeje.
Nëna e tij, e cila është kujdesur e vetme për të birin pa patur mbështetjen e askujt, zbuloi së fundmi se është thirrur në Prokurori, për të deklaruar mbi gjendjen e djalit.
