Kishte kohë që na fliste për një surprizë, por Fjoralba na surprizoi të gjithëve javën që lamë pas.
Kur ne prisnim të reja në muzikë apo televizion, moderatorja simpatike tregoi se në fakt po hedh një hap drejt një fushe të re siç është kinematografia.
Fjoralba ka postuar një status në Instastory, ku shkruante “Po sikur të tentojmë një herë edhe nga aktrimi”, duke shtuar në anglisht “Çfarë po bëj me jetën time!”
Të shumta ishin pyetjet që u ngritën në mendjen e fansave pas këtij postimi, andaj Fjoralba duket se vendosi të na e shuajë pak kureshtjen disa ditë më pas duke treguar se bëhet fjalë për një projekt ndërkombëtar, ku siç shprehet ajo do ketë një rol të vogël, por me siguri do i hapë shumë dyer.
Ajo ndër të tjera ka zbuluar se ky do jetë një projekt i Netflix.
Kështu na ka rritur edhe më shumë kuriozitetin, duke na bërë të mendojmë se për çfarë filmi bëhet fjalë.
Duket se Fjoralba do na i tregojë të gjitha pak nga pak pasi mbrëmjen e sotme na ka zbuluar një tjetër detaji.
Po në një bashkëbisedim me ndjekësit, ajo ka zbuluar se filmi lidhet me Shqipërinë, teksa ka kërkuar t’i urojnë fat.
Gjërat sa vijnë e bëhen edhe më interesante.
Ndërkohë, sikundër e dimë, bukuroshja bjonde është nën menaxhimin e Mc Kreshës, teksa në verë na zbuloi se do sjellë një bashkëpunim me Lyrical Son.
Pak javë më parë, ajo ka treguar se me Mc Kreshën ka më shumë se një bashkëpunim, si edhe ka disa emra të mëdhenj që do jenë pjesë e albumit. Për publikimin e tij ai ka thënë se nuk mund të arrihet brenda vitit 2020.
