Aktori i serialit “O sa mirë” Ernest Zymberi është bërë baba për herë të parë, pasditen e së mërkurës. Ka qënë vetë aktori që njoftoi ardhjen në jetë të vogëlushes përmes një postimi në profilin e tij në “Instagram”.
Zymberi tregon se kanë vendosur ta pagëzojnë vogëlushen me emrin Mara. Edhe përse ka disa orë që ka ardhur në jetë, e porsalindura ka marrë dhuratën e parë, një unazë e vogël floriri, të cilin prindërit e saj ia kanë vendosur menjëherë në gisht.
“Lena edhe une sapo u bëmë prind.Ka kohë që e imagjinojmë këtë ndjenjë. Ka kohë që ëndërrojmë këtë moment. Falë Zotit po e përjetojmë këtë dhuratë. Mara Zymberi lindi sot, bashkë me të rilindëm edhe ne me një dashni të re në mesin tonë. Bota është e vogël e fjalët janë të pakta për ta përshkru këtë ndjenjë… “ – shkruan krahas fotos aktori.
