Imagjinata e dizajnuesve nuk ka kufij. Ndonjëherë kjo imagjinatë di të kalojë në ekstrem. Këto fustane me shumë siguri nuk do t’i keni asnjëherë në gardërobën tuaj dhe as nuk do të donit t’i vishnit. Por ju japin një shtysë për të imagjinuar pse jo të paimagjinueshmen, kur vjen fjala për të eksperimentuar me paraqitjen tuaj. Ja 10 fustanet më të çuditshme të veshura ndonjëherë:
Fustani me para
Fustani i bërë me para është krijuar për një televizion britanik, për të promovuar fondin e lotarisë britanike. Vlera e tij llogaritet të jetë rreth 100.000 dollarë.
Fustani sfungjer
Ky fustan i gjithi është i krijuar nga sfungjerët e kuzhinës. Ai është dizajnuar nga dizajnuesja Kate Cusack.
Fustani kafaz
Ky fustan i çuditshëm për shumë qëllime është dizajnuar nga Kasey McMahon, që jeton në Kalifornin e Jugut, në SHBA. Ai është plotësisht funksional, ndërsa veshja e tij shoqërohet me kanarina.
Fustani i emocioneve
Fustani “The Bubelle” është fustani i parë në botë që tregon emocionet, respektivisht që ndryshon pamjen/ngjyrat, varësisht nga disponimi i personit që e veshë atë. Ky fustan me censorë biometrikë është punuar nga gjiganti i elektronikës kompania “Philips”.
Fustani me flokë
Ku fustan i çuditshëm, i modeluar nga Nina Arkley, gjendet në këtë listë, sepse i tëri është i punuar nga fijet e flokut. Ai është krijuar nga parukierja Jodie Breed, ndërsa flokët e këtij fustani janë dhuratë e klientëve të saj.
Fustani intim
Ky fustan është dizajnuar për flirt. Fustani i quajtur “Intimacy 2.0”, është punuar nga studioja holandeze e dizajnit Roosegaarde, ndërsa përcjell të rrahurat e zemrës dhe sa më të shpeshta të jenë ato, ai bëhet më transparent.
Fustani tendë
Fustani tendë është vepër e artistëve Adrienne Pao dhe Robin Lasser. “Arkitektura e veshjes”, siç pëlqejnë ta quajnë këta artistë, është konceptuar si veshje për natyrë që portretizon natyrën.
Fustani me çokollatë
Modelja gjermane, Alena Gerber, duket vërtetë e shijshme me këtë fustan. Në fakt, i gjithë fustani që ajo ka të veshur është i punuar nga çokollata.
Fustani me lule dhe gjethe
Eko-artistja, Nicole Dextras, përdor lulet në modë, duke krijuar fustane të bukura natyrale, që punohen nga lulet dhe gjethet.
Fustani me tullumbace
Tullumbacet janë lodra të preferuara të fëmijëve, por dhe të dizajnuesve. Kujdesi i vetëm që duhet të tregohet është në momentin që uleni.
