iconstyle.al > Bukuri > Beauty and Celebrity > 8 sekrete se si t’i bëjmë flokët tona të duken të buta si mëndafshi

8 sekrete se si t’i bëjmë flokët tona të duken të buta si mëndafshi

Flokët e mëndafshta dhe të shëndetshme të cilat shkëlqejnë në çdo moment janë dëshira më e madhe e çdo femre. Por nëse ju përdorni mjetet e stilimit me nxehtësi të lartë, përdorni tonelata produktesh kozmetike dhe i lyeni ato rregullisht harrojeni që flokët tuaja të jenë të shëndetshme dhe të buta.

Për fat të mirë me produktet e duhura kozmetike të gjitha ne mund të përmirësojmë pamjen tonë dhe të kemi flokë të shëndetshëm dhe të butë si mëndafshi vetëm pas disa javësh.

“Sipërfaqja e flokëve tuaj është njëlloj si mbulesa e një çatie. Kur të gjitha fijet e flokëve tuaja shtrihen të qetë deri në fund dhe ndjehen të butë dhe të shndritshëm dhe jo të mprehta dhe të ngatërruara, por edhe kur shkëlqejnë më shumë janë tregues i një floku të shëndetshëm dhe të mirëmbajtur”, thotë Steven Picciano, një artist ndërkombëtar i “Goldwell”.

Që ju të arrini të keni flokë të shëndetshëm sikurse përshkruhet më lartë duhet të ndiqni 8 këshillat e mëposhtme:

1-Kini kujdes kur lani flokët me shampo

Kur laheni tendenca është që të grumbulloni flokët në majë të kokës dhe të lani gjithë gjatësinë e fijeve tuaja. Kjo teknikë jo vetëm që i ngatërron flokët tuaja, por dhe dëmton skajet e flokëve tuaja, të cilat tashmë nuk kanë lagështinë e duhur, sidomos flokët kaçurrela.

“Me flokët natyralisht të drejtë, yndyra e flokëve mund të shkojë shumë shpejt nga rrënja drejt majave të flokëve, sepse graviteti do të tërheqë poshtë. Ndërsa me flokët kaçurrela, yndyra do të udhëtojë rreth boshtit të mbështjellë kështu që ajo nuk arin shumë shpejt drejt majave të flokëve.” , thotë Picciano.

Kjo do të thotë se njerëzit me flokë kaçurrela nuk kanë nevojë të lajnë flokët e tyre aq shumë shpesh. Dhe kur është kohë për t’i larë flokët tuaj mendoni të blini shampo të përshtatshme për të mbrojtur nxjerrjen nga flokët të vajrave të nevojshme natyrore.

2- Përdorni krehër kur i keni të lagur dhe furçë kur i keni të thatë

Picciano thotë se shumica e njerëzve nuk tregohen të kujdesshëm kur pastrojnë flokët e tyre, gjë që mund të ndikojë që flokët tuaj të mos duken mirë.

“Nëse jeni duke i krehur flokët e lagur me një furçë vozitjeje, zhurma e papërfillshme që ju jeni mësuar të dëgjoni është në të vërtetë zhurma e flokëve tuaj. Në vend të zbutjes së kutikulës, ku veprim shkakton dëmtime në shtresën e jashtme të flokëve”, thotë Piçiano.

Një mënyrë më e butë për të pastruar flokët tuaj është të përdorni krehër kur i keni të lagura (ose një furçë e krijuar për t’u përdorur për flokë të lagura), dhe duke përdorur furçë kur flokët tuaja janë të thatë.

3-Përdorni një “T-shirt” për të tharë flokët tuaj në vend të një peshqiri.

Dikur të gjithë kemi mësuar gabimisht se për të tharë flokët duhen fërkuar me peshqir në gjithë sipërfaqen e tyre. Mirëpo ky veprim i dëmton flokët tona dhe shkakton nyje dhe dëmtimin e majave të flokëve.

“Çelësi numër një për të pasur flokë të butë nuk është fërkimi. Kur flokët e dikujt ngatërrohen kjo ndodh zakonisht për shkak të dëmtimit të fijeve të cilat janë hapur. Sa më të forta të jenë fijet e flokëve aq më të butë dhe të shëndetshëm janë flokët tuaj në përgjithësi”.

Pra hidheni peshqirin tuaj që shkakton fërkime dhe zëvendësojeni me një “T-shirt” të butë pambuku. Dhe në vend që të fërkoni flokët tuaj, kapini ata me skajet e një “T-shirt”-i dhe shtrydhini duke punuar deri në fund.

4-Flini në jastëk mëndafshi

Nëse ju jeni duke përdorur një jastëk pambuku, kjo shumë mirë mund të jetë shkaku i flokëve tuaj të hollë apo të ngatërruar. Një jastëk i butë ndikon që flokët tona të jenë edhe më të buta.

Pambuku përthith gjithë lagështinë nga flokët tonë, ndërsa mëndafshi saten mban vajrat e nevojshme për flokë të ushqyer.

5- Gjithmonë mbroni flokët nga goditjet me ajër të ftohtë

Kjo tingëllon si një hap shtesë, por Picciano argumenton se duke i goditur flokët tuaj me ajër të ftohtë pasi ata janë të thatë është çelësi jo vetëm për flokë pa volum, por edhe në stilimin dhe drejtimin e flokëve tuaj.

6-Marrja e yndyrave të shëndetshme në dietën tuaj të përditshme

Pasqyrimi i dritës dhe butësia kanë të bëjnë të gjitha me lagështinë që kanë flokët tuaj dhe me praninë e lipideve të duhura. Është e vështirë të keni flokë të bukur, të shndritshëm, reflektues nëse nuk keni vajra në dietën tuaj. Prandaj hani yndyra të shëndetshme si arra, avokado dhe salmon, të cilat do t’i mbajnë lipidet tuaja më të larta. Edhe një shtesë e Omega-3 është e mrekullueshme për këtë”, thotë Picciano.

Ai thekson gjithashtu edhe rëndësinë e hidratimit të duhur nëpërmjet ujit që ne konsumojmë çdo ditë.

“E di që tingëllon aq e qartë kjo, por nëse lëkura juaj është e thatë, edhe flokët tuaj do të jenë shumë të thatë. Nëse trupi juaji brendshëm është i thatë, nuk do të ketë ujë për të ushqyer qelizat tuaja. Trupi duhet hidratuar dhe duhet mbajtur një dietë balancuese e lipidit”, thotë Picciano.

7-Shtoni sodë buke në shampon tuaj

Uji me metale të rënda ose minerale jo vetëm që mund të shkatërrojë ngjyrën tuaj të flokëve, por shkakton edhe tharje të majave të flokëve dhe i dëmton ato. Nëse zona ku jetoni ka ujë të fortë shtoni pak sodë buke në shampon tuaj një herë në javë.

“Soda e bukës rrit nivelin e surfaktantëve duke ju dhënë pak më shumë pastrim. Ajo hap gjithashtu poret e lëkurës pak më shumë duke ndihmuar në heqjen e më shumë mbetjeve. Nëse i keni flokët të lyer me bojë, hedhja e sodës së bukës duhet të ndodhë një herë në javë. Një zgjidhje tjetër është blerja e një filtri mbrojtës së kokën e dushit tuaj.

8-Përdorni produkte me keratinë të hidrolizuar

Ku blini produkte për kujdesin e flokëve tuaj shikoni etiketën për përbërës me keratin të hidrolizuar, të cilat sipas Picciano-s janë përbërësit më të mirë për të patur flokë të mëndafshtë. Keratin( një proteinë strukturore) është e nevojshme për rikuperimin e flokëve të dëmtuar, ndërsa mjetet hidrolizuese janë në formë të lëngshme, kështu  mund të depërtojnë dhe punojnë në brendësi të flokëve.

Burimi: Cosmopolitan

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.