8 raste të reja me COVID-19 në Shqipëri! Dy prej tyre, personel shëndetësor

Janë shtuar 8 raste të reja me koronavirus në vend, duke e çuar numrin total të të infektuarve në 475.

Instituti i Shëndetit Publik ka bërë me dije se gjatë 24 orëve të fundit, në 236 teste të kryera janë identifikuar në total me koronavirus 8 raste të reja.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

6 të prekur janë në Tiranë, një është personel shëndetësor në Shkodër, dhe një nga bluzat e bardha në Kukës, që shënon edhe rastin e parë në këtë qytet me COVID-19.

Ndërkohë, 24 qytetarë nuk e kanë fituar betejën me COVID-19, megjithë përpjekjet e jashtëzakonshme të personelit shëndetësor.

Gjatë 24 orëve të fundit, 16 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 248.

Në spitalin e Infektivit aktualisht janë 37 të shtruar. 5 pacientë janë në terapi intensive, ndërsa 1 prej tyre i intubuar.

Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 4 prej tyre janë të intubuar.

Harta e të prekurve nga COVID-19 shtrihet për herë të parë në Kukës dhe zgjerohet në Tiranë dhe Shkodër.

/Iconstyle.al