Nëse s’jeni martuar akoma jeni në artikullin e duhur. Kjo sepse ne kemi disa sugjerime fantastike, sesi t’i zbukuroni thonjtë në ditën tuaj më të rëndësishme.
Tani gjërat kanë ndryshuar. Një nuse mund të eksperimentojë pafund me dizenjon e thonjve edhe ditën kur martohet. Teksa të tjerët do ju ngulin sytë, ju do të ndiheni krenare që lexuat këtë artikull tek iconstyle.al dhe i morët për bazë sugjerimet, nga ato të thjeshtat e deri tek më të çmendurat.
Atëherë jeni gati të fillojmë?
Të qenit e bukur me perla
Jo vetëm si bizhuteri, perlat mund t’i përdorni edhe tek thonjtë tuaj. Ato nuk dalin asnjëherë nga moda dhe të kombinuara me një rozë të lehtë janë një zgjedhje e mençur.
Xhel perle
Kjo nënkupton që nuanca e ngjyrës tek thonjtë tuaj të shkëlqejë si një perlë. Thjesht dhe bukur.
Me vija të holla të arta
E dini se çfarë do të shkonte në mënyrë perfekte më këtë model thonjsh? Po! Unaza juaj e martesës.
Thonj të hollë
Ky model thonjsh që sa vjen e hollohet në maj dhe detaji i vijëzimit ju jep një finesë tek duart tuaj.
Një dorë xixa
Ditën e dasmës duhet të xixëllosh! Ky model thonjsh është i duhuri për ditë dhe evente speciale.
Shkëlqe me Swarovski
Nëse je lloji i nuses që të pëlqen të jesh e mbushur më gurë të shtrenjtë përveç unazës, atëherë bëj zgjedhjen tënde, asgjë tjetër përveçse Swarovski!
Dizanj abstrakt me të bardhën
Nëse je një nuse që edhe në ditën e dasmës kërkon të jesh vetvetja, me dizajne ekstravagante dhe shpesh abstrakte modeli më lartë është i duhuri për ju. Realizohet shumë thjeshtë edhe në kushtet e shtëpisë. Mjafton t’i lyeni thonjtë me ngjyrën e bardhë, merrni një shkop të imët, e lyeni me manikyr të zi ose një ngjyrë tjetër dhe përhapeni në formë të çrregullt.
Një french i modernizuar
Modeli më i përdorur nga nuset ditën e dasmës është modeli french. Por tanimë ky model ka ndryshuar disi. Nëse nuk po kërkon tradicionalen, por je brenda një stili të pastër thonjsh dhe minimalist, atëherë e mësove se çfarë duhet të zgjedhësh.
Burimi: Cosmopolitan
