8 mijë $ për dy muaj, ja përse kjo është modelja më e paguar në Shqipëri

Ajo është sot një nga modelet shqiptare më të kërkuara dhe rrjedhimisht më të paguara. Që në momentet e para kur u spikat nga “Icon Agency”, Alesia Noka u dallua si një nga femrat me tiparet më të bukura që karakterizojnë femrat mesdhetare.

Dhe sot, bukuroshja shqiptare është e angazhuar në projekte nga më të ndryshmet që nuk kanë të bëjnë vetëm me modën. Ish-modelen e “Icon Agency” e kemi parë në klipet muzikore të artistëve të njohur si Bruno, Noizy, Gena apo Alban Ramosaj. Alesia ka qenë e angazhuar me shumë projekte të tjera, me të cilat është përkushtuar shumë dhe pikërisht ky ka qenë “sekreti”.

Fotografi Endrit Mërtiri ka treguar se të jesh një modele e kërkuar apo e famshme nuk do të thotë të kesh vetëm një fytyrë të bukur apo gjymtyrët në proporcionin e duhur.

Ai është shprehur se është puna e palodhur dhe përkushtimi i duhur, çelësi  i suksesit në një botë kaq të ashpër.

Ai solli në vëmendje shembullin e modeles Alesia Noka, e cila ka arritur të fitojë 8 mijë dollarë në dy muaj punë. Në këto dy muaj, ka thënë Endriti, Alesia mund të ketë punuar intensivisht vetëm 10 ditë, nga mëngjesi e deri në darkë dhe mund të ketë ndryshuar veshjet e saj rreth 80 herë.