Ky vit ishte shumë i rëndësishëm për femrat në Arabinë Saudite, pasi më 27 shtator iu dha leje për të drejtuar makinën. Arabia Saudite ishte vendi i fundit që nuk ua kishte dhënë grave këtë të drejtë, e cila pritet të vihet në zbatim në qershor të 2018-s.
Për fat të keq, lufta e grave në Arabinë Saudite do të jetë ende e gjatë sepse ka ende shumë gjëra që gratë nuk mund t’i bëjnë pa lejen e një burri dhe ne po ju tregojmë 8 më të pabesueshmet:
1. Marrja e kujdestarisë së fëmijëve në rast divorci
Nëse një grua divorcohet, mund të shpresojë për të qëndruar me fëmijët, por derisa të arrijnë një moshë të caktuar: 7 vjeç për djemtë dhe 9 për vajzat.
2. Të mjekohen
Duket e pabesueshme, por e vërtetë. Nëse je grua në Arabinë Saudite dhe ke nevojë për kura të veçanta ose duhet t’i nënshtrohesh një operacioni, nevojitet firma e një familjari mashkull.
3. Të kenë një proces të barbartë gjyqësor
Në sallat e gjyqit të Arabisë Saudite, dëshmia e një gruaje vlen sa gjysma e asaj të një burri, çka na bën të mendojmë se i vendos gratë para pamundësisë për t’u gjykuar drejt, në raste abuzimesh dhe keqtrajtimesh nga ana e një burri.
4. Të martohen
Në Arabinë Saudite, gratë kanë një kujdestar mashkull të quajtur ‘wali’, nga i cili duhet të marrin leje para se të martohen. Gjërat bëhen edhe më të komplikuara në rast se një grua dëshiron të martohet me një burrë të huaj, pasi në këtë rast, përveç lejes së kujdestarit, duhet miratim nga Ministria e Punëve të Brendshme.
5. Të bisedosh me burra me të cilat nuk ke lidhje familjare
Bisedat me burra me të cilët nuk ke lidhje familjare janë shumë të limituara në Arabinë Saudite. Për të eliminuar kontaktet e mundshme, hapësirat publike ndahen në zona ‘për familjet’ në të cilat shkojnë dhe gratë, si dhe zonat ‘vetëm për meshkuj’.
6. Hapja e një llogarie bankare.
Gratë në Arabinë Saudite duhet të marrin leje edhe për të hapur një llogari në bankë. Nuk është habi që Arabia Saudite renditet vendi i 141-të nga 144 vend në rankimin botëror të matjes së hendekut gjinor.
7. Të udhëtosh
Të shkosh për një fundjavë në Romë me mikeshat? Jo nëse je një grua në Arabinë Saudite, pasi për të udhëtuar ose për të marrë një pasaportë apo ndonjë dokument tjetër udhëtimi duhet marrë leja e kujdestarit mashkull.
8. Të vishesh si do
Krahasuar me pamundësinë për të shkuar diku pa leje, kjo pikë mund të duket e pavlerë, por një grua nuk mund t’i zgjedhë vetë veshjet dhe ky është një limitim i lirisë personale. Gratë në Arabinë Saudite, kur janë në publik duhet të veshin abaja, një këmishë e zezë që mbulon trupin, përveç kokës, që në shumicën e rasteve mbulohet me niqab, vel që lejon vetëm sytë jashtë.
