Mpriheni mirë shikimin vajza se është koha të mësoni trendet më të reja të rrobave të banjës që do t’i shihni në Instagramin e çdo fashioniste të huaj dhe shqiptare.
Moda e rrobave të banjos për këtë verë është e mbushur plot me larmi dhe modele, madje nuk mungojnë as rrobat e banjos sportive, kadife, dhe ato trup të cilat janë ideale për sezonin e verës.
Ato ju nxjerrin në pah format, dhe mbulojnë disa pjesë të tjera, për të cilat nuk do të ishit shumë dakord t’i ekspozonit.
Nëse nuk e keni bërë akoma zgjedhjen tuaj për modelin e rrobave të banjos, atëherë shikoni galerinë e mëposhtme dhe frymëzohuni nga këto të famshme shqiptare:
1.
Rrobat e banjës metalike
Falë rrobave të banjës metalike, rrjetet sociale po bombardohen me foto bombastike si ajo e Luana Vjollcës dhe Anxhelinës. Nga ngjyra e arit në atë pink, dhe nga bikinit te rrobat e banjës trup, ky trend do të bëjë namin këtë verë dhe mos ki fare dyshime për këtë.
2.
Rrobat e banjës kadife
Një nga arsyet përse kadifja ka gjetur mbështetës të shumtë është shkëlqimi i saj. Vajzat e ekranit si, modelja Xhesika Berberi dhe moderatorja Elita Rudi kanë sjellë dy ngjyrat më verore të tyre, rozën dhe portokallinë që janë trendet e sezonit.
3.
Rrobat e banjës sportive
Të ngrejë dorën lart ajo që preferon veshjet sportive, pasi e kemi zgjidhjen edhe për rrobat e banjës. Jonida Maliqi, Era Istrefi dhe Rita Ora na këshillojnë rrobat e banjës më të rehatshme që mund të keni parë dhe ia hodhëm edhe këtë vit.
4.
Rrobat e banjës me një krah
Eleganca është shumë ok edhe nëse je në plazh. Blogerja Armina Mevlani dhe balerina Adel Lami sjellin modelin më të fisshëm të rrobave të banjës që do t’ju pëlqejnë pa masë.
5.
Rrobat e banjës trup
Për nënat si Zaimina Vasjari dhe Estela Ujka që kanë pak kohë që kanë lindur, apo dhe për ato vajza që nuk dëshirojnë të ekspozojnë barkun, vijnë trendet më të papara të rrobave të banjës trup. Nga ato me flamingo te rrobat e banjës në ngjyrë të bardhë, trendet nuk kanë fund.
6.
Rrobat e banjës me bel të lartë
Mos harroni se nuk janë vetëm për ato vajza që duan të fshehin barkun. Ky trend është i preferuari i modeleve si Xhesika Berberi, apo i showgirl-it Aurela Hoxha, që duan të tregojnë asetin e tyre më të vlefshëm, belin e hollë.
Sara Hoxha gjithashtu i rekomandon në ngjyrë të zezë, për t’u dukur edhe më elegante.
7.
Rrobat e banjës me shpatullat e ekspozuara
Njihet si një ndër trendet e preferuara të vajzave me gjoks të vogël. Frudat dhe prerja e tyre ekspozon më tepër shpatullat duke i nxjerrë ato në pah. Kida dhe Kiara Tito vijnë me dy super modele që me siguri nuk do t’i refuzonit.
