Nuk ka asgjë të keqe të kërkosh atë markën ideale të rrobave për fëmijë, që i përmbush dy kriteret kryesore: jo vetëm çmimin e përshtatshëm por edhe materialin që i duhet fëmijës suaj. Dyqani “Blukids” që ndodhet në Qendrën Metropol në rrugën “Sami Frashëri” vjen me një mori dizajnesh dhe ngjyrash për të vegjlit tuaj. Më poshtë do të shihni 6 trendet më “cool” të pantallonave për fëmijë që duhet t’i ndiqni këtë vit:
Stili ushtarak
Veshjet e ngjashme me uniformat ushtarake kanë qenë gjithmonë në modë. Për “Blukids”, ky stil bëhet akoma më interesant tek vogëlushët, falë pantallonave sportive. Një kombinim si ky më poshtë me bluzë me kapuç dhe atlete të bardha e bën edhe më “cool” paraqitjen e të voglit tuaj.
Xhinset me dizajn
Xhinse me dizajn të modës mund t’i gjeni te “Blukids”, me zbukurime, modele dhe ngjyra të ndryshme. Nuk është e thënë që një xhins të jetë thjesht blu. Ngjyrat e bëjnë edhe më të bukur paraqitjen, kështu që pse mos të keni edhe ju një vogëlush/e trendi?
Streçet me shkëlqim
Gocat nuk janë dukur ndonjëherë kaq të shndritshme sa me streçet në ngjyrë argjendi që shkëlqejnë. Të përshtatshme për festa, aktivitete dhe evente shkollore, këto streçe janë zgjedhja ideale që mund të bëni për vajzën tuaj.
Streçet e zeza
Shprehja “Të ndihesh rehat” ka më shumë kuptim te fëmijët. Kështu për vajza do të mund të gjeni materialin elastik të pantallonave që ngjasojnë si streçe, por më të trasha tani që temperaturat janë ulur.”Vrapo dhe kërce” është motoja kryesore e këtyre streçeve dhe e sigurt që fëmijët tuaj do ta ndjekin.
Tutat
Falë llastikut që kanë dhe eliminimit të pjesës së zinxhirit, fëmija juaj do të vishet sa hap e mbyll sytë me tutat “Blukdis”. Materiali i butë prej pambuku dhe i ngrohtë i siguron të voglit tuaj veshjen perfekte për kudo. Bëni që fëmija juaj të përkulet, të shtrihet, të ecë dhe të luajë me tuta. Nëse ndihet mirë, kjo është një blerje e zgjuar.
Kominoshet
Duke filluar që nga mosha 0-9 muajsh, ju mund të gjeni llojet më të përshtatshme të xhinseve të buta për të voglin tuaj. Materiali i këtyre kominosheve ju ofron butësi dhe konformitet për fëmijën tuaj dhe mos harroni, nuk është asnjëherë shpejt për xhinse. Fatmirësisht pantallonat xhins kanë një material të fortë për t’u larë në lavatriçe pa hyrë në ujë.
