Okej ju keni kohë të lidhur, ai të ka folur pa pushim për nënën e tij (madje me siguri ta ka kaluar ndonjëherë telefonin për të folur me të), por frika e takimit të parë është e pakrahasueshme. Mund të bëhet vjehrra jote e ardhshme, nëse ti nuk bën ndonjë lapsus apo gabim të pafalshëm për të.
Pavarësisht se do të jetë shumë e dashur dhe gjithë kohës e buzëqeshur, çdo shikim i saj është aq kritik sa mezi pret të gjejë diçka që nuk shkon.
Por mos u shqetëso, mjafton të ndjekësh këto “rregulla të arta”, që i kemi provuar vetë që funksionojnë dhe e ke djalin e saj bashke më të në xhep.
1.Mos u hallakat
Duhet ta shikosh si një takim pozitiv, pasi kjo do të thotë që lidhja juaj po shkon në një tjetër nivel, së shpejti vjen fejese dhe pse jo martesa. Nëse je tip impulsiv dhe me “zemër të dobët” ju sugjerojmë të shkoni një ditë për joga ose një masazh do t’ju relaksojë shumë. Bëni një listë (në mendje ose në letër) të gjërave që duhet të bëni gati dhe kjo do të jetë një fillim i mbarë.
2.Vishuni siç ju ka hije
Do visheni për ta impresionuar, por ndërkohë nuk mund të dilni nga vetvetja. Me një përjashtim, nëse ju personifikojnë veshjet “crop-top” shmangini për atë ditë. Zgjidhni një fustan me gjatësi mesatare ose bluze që nuk zbulojnë shumë bustin. Rëndësi ka që rrobat të jenë të hekurosura mirë.
3.Jo 5 ton makijazh
Me siguri edhe vjehrra jote e ardhshme, si gjithë të tjerat, pëlqen vajzat simpatike që kurohen, por me një kufi. Nuk është e nevojshme ta kesh konturimin “on top”, mjafton një grim i pastër dhe i thjeshtë. Pak make-up, rimel, ruzh dhe një buzëkuq nude.
4.Pyet partnerin për gjërat që i pëlqejnë
Përpara këtij takimi, jo vetëm disa orë përpara, por ditë përpara, duhet të bësh rolin e investigueses për të gjitha gjërat që pëlqen ose jo vjehrra jote e ardhshme: Çfarë ushqimi ka më shumë qejf, cilat tema janë tabu apo çfarë i pëlqen të bëjë në kohën e lirë. Kështu do ta kesh më të lehtë të flasësh për gjërat interesante që ajo ka përzemër dhe të mos hapësh tema të ndaluara. Dhe buzëqsh gjithë kohës, që ajo mos ta marrë vesh që ti je një grifshë.
5.Ofrohu që të pastrosh tavolinën
Ndoshta në shtëpi ia lë gjithmonë mamit ose motrës këtë pjesë, por në shtëpinë e vjehrrës së ardhshme ti je ajo “nusja e saj ideale”. Kur të mbaroni së ngrëni, ofrohu që të ngrini bashkë tavolinën dhe pse jo ndihmoje dhe në larjen e enëve.
6.Duhet t’i dërgosh një ushqim
Këtu do të fitoni pikët maksimale dhe do të hyni në kategorinë e vajzave nikoqire. Nëse si dhuratë i dërgon një ushqim të gatuar nga ti, vjehrra kupton që po e le djalin në dorë të sigurt.
Dhe nëse hynë në kategorinë e atyre që nuk ua thek për gatim, ka një shpëtimtar, porositi online ushqim nga “SnapFood” për të të ardhur i paketuar sikur është gatuar nga ti. Dhe e di çfarë do ta gëzonte: një ëmbëlsirë tipike shqiptare.
Me arra apo bajame, e sherbetosur dhe e shkrifët, sheqerparja mbetet ndër recetat më unike të amvisave shqiptare dhe ëmbëlsira më e dashur për familjet tona. Kështu që mjafton t’ia porosisësh online te “SanpFood” dhe të vjen në shtëpi gati për t’ia dërguar vjehrrës së ardhshme.
Burimi: Iconstyle.al
