1) Flisni, flisni dhe flisni më shumë
Lërini ndjenjat të shkojnë. Edhe nëse ju e dini se ndjenjat tuaja mund të jenë të gabuara sërish mos i fshihni ato duke mos i folur me dikë. Qoftë me një profesionist apo me dikë që për ju është shumë i rëndësishëm mos lini asnjë ndjenjë të shkojë pa e biseduar.
2) Mos qëndroni viktima
Të flasësh për eskperienca të hidhura është e vështirë por sërish zgjidhja nuk qëndron në të ndenjurin pasiv. Nuk ka një kohë të përcaktuar se kur ju do e kaloni këtë traumë por të paktën përdorni metoda për ta kaluar. Një zgjidhje e mirë do të ishte sporti apo ndjekja e një pasioni të ri.
3) Mos fajësoni dikë tjetër
Edhe ky është një hap mjaft i rëndësishëm. Në momentin që ju duket se diçka po shkon keq, mos vraponi të kërkoni fajtorin tek dikush tjetër. Nëse sot ndiheni e mërzitur dhe e nevrikosur fillimisht trajtoni vetveten më pas kuptoni se si mund të flisni për apo me personat e tjerë.
4) Shkruaj, medito apo lutu
Të gjithë kemi zgjedhur mënyrën tonë spirituale për zgjidhjen e problemeve. Për shembull dikush vendos që t’i hedhë ndjenjat në letër e dikush tjetër vendos që të meditojë. Ka mjaft praktika që mund t’ju ndihmojnë në problemin që ju mund të keni dhe kryesorja është të gjeni zgjidhjen që ju përshtatet më së shumti.
5) Fal dhe lëre të shkojë
Një shprehje thotë: ‘ Të mbash inat nuk lëndon dikë tjetër por vetëm vetveten’. Ne jemi ata që lëndohen më shumë kur mbajmë brenda vetes inat dhe urrejtje. Kur një lidhje apo një situatë përfundon përpiquni të mos i kushtoni më rëndësi asaj situate por të lëvizni përpara me buzëqeshje dhe konfidencë.
Trending Now
