iconstyle.al > Modë > Icon Stil > 5 ide si të vishesh në një festë, kur nuk ka kod veshje (FOTO)

5 ide si të vishesh në një festë, kur nuk ka kod veshje (FOTO)

A nuk do të ishte mirë, që një herë në një kohë, të merrnim një ftesë ku do të ishte i përcaktuar Kodi i Veshjes? Nuk po themi se Kodi i Veshjes do të jetë një lehtësim për të gjetur ide për veshjen, në këtë festë. Por sot, kryesisht në Shqipëri, festat i bazohen kodit “ZV” (Zgjidhe Vetë).

Këto ditë, kodet e veshjes janë një mister për të gjitha femrat, pjesërisht për shkak se do të duhet të krijohet një stil që mund të pëlqehet dhe t’i shkojë ambientit, ose sepse veshja mund të bëhet objekt interpretimesh dhe bisedash mes të ftuarve.

Ndonjëherë lira e zgjedhjes ta bën edhe më të vështirë zgjedhjen e veshjes, ndaj ne po ju japim disa këshilla që duhet t’i keni parasysh në rast se festa ku do të shkoni, nuk ka një “Kod Veshjeje”:

1. Zgjidh veshjen që të jep besim në vetvete

Xhaketës së zezë nuk i ikën kurrë koha. Mund ta vishni me taka në stilin serioz, por mund edhe të zgjidhni diçka më sportive. Kombinoni një bluzë të bardhë me xhaketën e zezë nga DonDup (Bli Këtu) dhe atlete. Do të dukeni shumë me stil!

2. Më mirë “casual” sesa e mbingarkuar

Një këmishë e bardhë është gjithmonë shpëtimi ynë, nëse duam të dukemi “Casual”. Zgjidh këmishën nga Michael Kors (Bli Këtu) ose këmishën Wild Pony (Bli Këtu), që i japin më shumë ndriçim pamjes suaj.

3. Ruaje shkëlqimin

Netët e zymta të vjeshtës janë ideale, kështu që një fustan, apo T-shirt me temina të shndritshme nuk duhet të mungojë në gardërobën tuaj të vjeshtës 2017. Ne ju sjellim bluzën me shkëlqim nga Nineminutes, që e gjeni online (Bli Këtu) dhe mund ta blini edhe me ulje. Këtë bluzë me shkëlqim floriri mund ta kombinoni me pantallona ose xhinse dhe taka të larta.

4. Kur je mes ngjyrave të errëta dhe të çelëta, zgjidh rozën

Pastrimi i gardërobës nga ngjyrat e errëta, fustanet e lehta dhe me ngjyrë, duket sikur ju gjallërojnë e për pasojë kudo që jeni ju emetoni energji pozitive. Ndaj ne ju këshillojmë fustanin rozë Pinko (Bli Këtu), e etiketuar si ngjyra më e bukur për vitin 2017 dhe 2018.

5. Zgjidh lulet

Nga lulet e vogla te petalet e mëdha, të famshme si, Gigi Hadid dhe Miranda Kerr po i sjellin këto dizajne në modë, këtë vjeshtë. Lulet e ndriçojnë çdo veshje dhe i shtojnë  pamje femërore paraqitjes. Ne ju këshillojmë fustanin shumëngjyrësh Blumarine (Bli Këtu) me gurë të çmuar në ngjyrën lejla.

Burimi: Iconstyle.al

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.