Ekspertët e shëndetit dhe gjumit theksojnë se rutina e natës ndikon drejtpërdrejt në cilësinë e pushimit tuaj. Para se të shtriheni për të fjetur, ja disa gjëra që duhet të keni parasysh:
1.Shmangni ekranet – Drita blu nga telefonat, televizorët dhe laptopët pengon prodhimin e melatoninës, hormonit të gjumit. Për një gjumë më të mirë, evitoni pajisjet elektronike të paktën 30-60 minuta para se të flini.
2.Mos hani vakte të rënda – Darkat e mëdha dhe ushqimet me shumë yndyrë mund të ngadalësojnë tretjen dhe të shkaktojnë shqetësime gjatë natës. Një vakt i lehtë është më i përshtatshëm.
3.Mbani një temperaturë të rehatshme në dhomë – Ekspertët rekomandojnë një temperaturë mes 16-20°C për një gjumë cilësor.
4.Krijoni një rutinë relaksuese – Leximi i një libri, meditim ose dëgjimi i muzikës së qetë mund të ndihmojnë trupin dhe mendjen të përgatiten për pushim.
5.Mos e shtyni gjumin – Shtrihuni dhe zgjohuni në të njëjtën orë çdo ditë për të mbajtur një ritëm të rregullt cirkadian.
Duke ndjekur këto këshilla, do të keni një gjumë më cilësor dhe një zgjim më energjik!
