Çdo vit më 17 qershor, Dita Botërore e Luftimit të Shkretëtirëzimit dhe Thatësirës nxjerr në pah metodat për të parandaluar shkretëtirëzimin.
Është gjithashtu një ditë për t’u fokusuar në gjetjen e mënyrave për t’u rikuperuar nga thatësira, qëllimi i së cilës është rritja e ndërgjegjësimit të komuniteteve mbi përpjekjet ndërkombëtare në luftën kundër shkretëtirëzimi të tokës.
Shkretëtirëzimi është procesi me të cilin toka pjellore bëhet shkretëtirë. Kjo është zakonisht rezultat i thatësirës, shpyllëzimit ose bujqësisë së papërshtatshme. Kur ndodh shkretëtirëzimi, produktiviteti biologjik humbet. Kjo është e dëmshme në zonat që tashmë janë prekur shumë nga varfëria dhe uria.
Vitet e fundit, më shumë se dy miliardë hektarë tokë prodhuese janë degraduar.
Kjo ditë duhet të na kujtojë të gjithëve se neutralizimi i degradimit të tokës arrihet përmes zgjidhjes së problemeve, përfshirjes aktive të komuniteteve dhe bashkëpunimit në të gjithë nivelet.
Kjo mënyrë do të sillte qëndrueshmëri ekonomike, krijimin e vendeve të punës, rritjen e të ardhurave dhe sigurinë ushqimore. Ndihmon biodiversitetin të rikuperohet, ngadalëson ndryshimin e klimës. Ajo gjithashtu mund të zvogëlojë ndikimet e ndryshimit të klimës dhe të mbështesë një rikuperim të gjelbër nga pandemia e COVID-19.
