Inspektorati Kombëtar i Mbrojtjes së Territorit ka nisur sot një operacion në zonën e “Syrit të Kaltër” në bashkinë e Finiqit.
IKMT ka planifikuar të prishë në këtë zonë turistike 16 objekte pa leje ndërtimi.
Objektet janë të madhësive të ndryshme, një dhe dykatëshe, konstruksione druri, me objekt shërbimi.
Inspektorati ka publikuar sot foto nga vendngjarja, ku shihet nisja e aksionit për çlirimin e zonës turistike nga ndërtimet pa leje.
“Syri i Kaltër” është një nga perlat e natyrës shqiptare dhe është shpallur edhe monument natyre. Thellësia e tij është tepër e madhe, arrin deri në 45 m thellësi.
