Ishte një couture e shkallës operistike. Domenico Dolce dhe Stefano Gabbana morën skenën e La Scala në Milano për një shfaqje në lidhje me trashëgimin e couture italiane dhe qytetit të lindjes së tyre në veçanti.
Ata gjetën frymëzimin e “tregimit” të tyre në dy burime: e para nga operat e Puccini-t, Tosca, Turandot dhe Madame Butterfly, tjetra nga punët e rrobaqepëses milaneze Biki, një adhuruese e kapelave të mëdha, që u shtoi femrave aristokrate të qytetit finesën që ato vishnin kur shkonin në opera.
Maria Callas ishte një kliente dhe Biki ishte mbesa e Puccini-t. “Kështu që ju do t’i shikoni të dyja, këngëtarët dhe audiencën në këtë koleksion”, premtoi Dolce në prapaskenat e atelierisë.
Spektakli në njërën anë, eleganca në anën tjetër, funksionuan kaq shumë sa Dolce dhe Gabbana u rikthyen tre herë në skenë pas entuziasmit të të ftuarve.
Burimi: Vogue
